మౌన రాగం

తిరిగిరాని నా కంటి వెలుగు, నీ కళ్ళలో కలగా మారినా...

కాలంలో కలిసిపోయిన నా చిరునవ్వు, నీ పెదవులపై చిగురించినా...

లెక్కలేనన్ని రోజులు నీ ఆలోచనలలో కరిగిపోయినా...

రగిలిన ప్రేమ జ్వాల నా హృదయాన్ని దహించివేస్తున్నా..

నిస్వార్థంగా ప్రేమించానే కానీ, ఏనాడూ నీ ప్రేమను ఆశించలేదు.

అప్పుడు, ఇప్పుడు, ఎప్పుడూ నిన్ను ప్రేమిస్తూనే ఉంటాను.

ఒంటరిగా మన ప్రేమను గెలిపిస్తూనే ఉంటాను.